EPISTATES

EPISTATES

dicebatur apud Athenienses, Proedrus qui suum imperaret diem Gr. Ε᾿πιςτάτης, Cum enim quinquaginta unius Tribus Prytanes simul non imperarent, sed Prytaneiâ in quinque hebdomades, ut ex Ulpiano liquet, distributâ, in toridem decurias quinquaginta illi dividerentur, prima decuria suam imperabat hebdomadem, secunda secundam, atque ita deinceps ordine sorte ducto: dicebanturque illi decem, qui in sua hebdomade praeerant, Πρόεδροι. Hi inter se sortiebantur regna septem illorum suae hebdomadis dierum, quibus praeerant: atque ita fiebat, ut e decem Proedris tres superessent, qui suum non imperarent diem, reliquorum vero quisque die suo Epistates vocaretur; quod ne binis vicibus contingeret, vetuit lex: Δὶς οὐκ ἐξεῖναι γενέςθ αι τὸυ αὐτὸν Επιςτάτην, Nemini bis esse Epistatae liceto, apud Pollucem l. 8. c. 9. habebat enim is penes se, quum regnaret, Aerarii claves, ut et Tabularii: item Sigillum publicum, unde metus erat, ne si pluries fieret Epistata, tyrannidem invaderet. Suid. φυλάςςει δὲ ὁ Ε᾿πιςτάτης τȏυ ἱεροῦ τὰς κλεῖς, εν ᾧ τὰ δημόσια χρόματα, ἔτι μην` καὶ δημοσίαν σφραγῖδα. Ab his Proedris atque Epistatis alii quoque fuêrunt, eodem nomine dicti. Quotiescumque enim Senatus habebatur, aut Concio, ὁ εν τῇ ἐφημερίᾳ, eo die imperans etiam Epistates dictus legebat novem Proedros e singulis unum Tribubus, exceptâ illa, penes quam Prytaneias erat imperium, teste Aristot. de Rep. Athen. Quorum novem Proedrorum unus similiter Epistata dicebatur, sorte ex illis novem ductus ab Epistata, penes quem erat illius diei regnum. Hi Proedri Senatui et Contioni praesidebant, curabantque negotia: Relationem porro faciebant eorum, quorum causâ convenerant, sistebant in iudicio coram populo etc. quas tamen partes fuisse praecipue Proedrorum Epistatae, patet ex Suida. Vide Sam. Petitum Commentar. in Leges Atticas l. 3. tit. 1. Aliter vox sumitur apud Plin. l. 34. c. 8. ubi Sllamon Epistatem athletas exercentem ex aere fecisse dicitur etc.